Që “Festivali i Këngës” do mbaronte me më shume polemika se asnjëherë tjetër këtë e dinim të gjthë, madje kishim edhe Alketa Vejsiun që e përsëriste çdo pas dy këngësh kete fakt duke paralajmëruar kështu në një formë atë që po ndodh sot në rrjete sociale por jo vetëm.
Menjeherë pas shpalljes së Arilena Arës si fituese e kompeticionit, nisën menjehere komentet të cilat u ndanë në “Turp, duhet ta merrte Elvana” dhe “Bravo, Arilena e meritoje”.
Si për ti hedhur “benzinë zjarrit”, paraditen e sotme u punlikuan per publikun edhe pikët që kishe dhënë juria e festivalit që në krahasim me vitet e tjera kishte përbërje nga vende të huaja dhe vetëm dy shqiptare.
Etnomuzikologe Mikaela Minga dhe poetja Rita Petro duket se kanë ndikuar drejtperdrejtë në rezultatin e fitueses. Thënë kjo pasi ndryshe nga anëtarët e tjerë, Minga pershembull i ka dhënë Elvana Gjatës vetëm… 2 pikë!
Vështirë për tu besuar se kenga që flitej si fituese prej muajsh të ketë merituar vetëm 2 pikë. Është aq vështirë, sa edhe pritësja e festivalit Alketa Vejsiut me një fjali të vetme bëri edhe njëherë “lëmsh” rrjetin kur tha: “Sa për 2 pikëshin… jam pa fjalë”.
Duke larguar kështu pergjegjësitë e saj, flitet se shkaku i zënkës midis dyshes së famshme Vejsiu-Grabocka ka qenë pikërisht përzgjedhja e jurisë.
Nëse është kështu, dhe Alketa na thotë që “fajtorin” mos ta kerkojmë tek ajo… atëherë përse nuk ka ende një reagim nga Vera Grabocka?!
Thjesht e vetëm për të sqaruar njëherë e mirë “gjullurdinë” në rrjet, se me baladat me lot e “thika” jemi mësuar prej vitesh tanimë…
/ALPEnews.al