Të gjithë e dimë që qyteti i bukur i Korçës është një nga ‘perlat’ më të bukura të të gjithë Shqipërisë, dhe këtë e tregojnë edhe pamjet që vijnë në përditshmërinë tonë.
Nëse do të klikosh në faqen e kryebashkiakut të qytetit të Korçës Sotiraq Filo do të gjesh një sërë fotosh nga të cilat shumë prej tyre janë më së fundmi me dëborën që ka rënë si me një projekt të bërë enkas për qytetin.
Stolat, pemët, kopshtet e vogla të ndërtuara muajt e fundit, apo edhe ndërtesat karakteristike të qytetit janë një emblemë e cila ka mbetur ndër vite, dhe kohë.
I quajtur edhe ‘Parisi i vogël’ i Shqipërisë Korça ka mikëpritur e para zbukurimet e festave të dhjetorit. Sheshi tek ‘Pazari i Vjetër’ i qytetit është plot me vargje dritash të cilat krijojnë një atmosferë shumë të bukur sikur me të vërtetë ndodhesh në një lagje pariziene.
AlpeNews.al ju këshillon si një prej destinacioneve më të mira për Festat e Fundvitit (të cilat po afrojnë) qytetin e bukur të Korçës.
Por përpara se të shkoni ndiqni galerinë e fotove mëposhtë, marrë nga faqja e Kryebashkiakut Filo.
Përgatiti: AlpeNews.al