Kohët e fundit kemi dëgjuar raste që na kanë shokuar, ku femrat kanë rënë pre e atentateve të dështuara me tritol, të vendosur në makinat e tyre. Shpesh herë “pre” e rasteve të tilla kanë qenë meshkujt, që mund të kenë pasur një të kaluar të errët, të përfshirë në vrasje apo dhe të marrë me lëndë narkotike.
Këto raste vazhdojnë të mbeten mister, se pse ato kanë qenë “shënjestra” të këtyre atentateve, por dyshohen konfliket.
Në rast i tillë është regjistruar ditën e djeshme në ku një sasi lëndë eksplozive u vendos në automjetin “Range Rover” të drejtoreshës së Drejtorisë së Operatorit të Kujdesit Shëndetësor, Suida Kuka në qytetin e Shkodrës. Lënda eksplozive u pikas në kohë dhe u çaktivizua nga forcat xheniere që shkuan nga Tirana.
Policia nuk e ka ende të qartë se kush mund të ketë dashur ta eliminojë të renë apo nëse ka qenë thjesht një mesazh ndaj dikujt tjetër. Burime bëjnë me dije se deri më tani, policia është duke verifikuar vendimet e Kukës gjatë detyrës së saj si drejtore e Operatorit te Kujdesit Shëndetësor Shkodër për të zbuluar nëse gjatë kësaj periudhe ka qenë apo jo dikush i prekur prej kësaj veprimtarie që mund të çojë deri në vendosjen e një bombe poshtë makinës.
Po ashtu, një pistë tjetër është dhe ajo e ndonjë gjobe të papaguar. Mësohet se babai i saj është biznesmen dhe policia dyshon se ndonjë prej grupeve kriminale të Shkodrës t’i ketë vënë gjobë të atit të saj dhe pasi ai nuk e ka paguar, ta kenë paralajmëruar përmes së bijës.
I njëjti rast ka nodhur edhe para një viti me noteren Rezarta Koçi, ku në makinën e saj “Range Rover” janë vendosur 100 gram tritol, i cili shpërtheu por famirësisht ajo nuk ndodhej në automjet.Mjeti luksoz ishte parkuar në rrugën ‘Osman Myterizi’ poshtë një pallati në momentin që ka shpërthyer. Tritoli ishte vendosur në pjesën e përparme të makinës dhe ka sjellë dëme materiale në atë zonë të mjetit.
Rezarta Koçi ka pasur një konflikt me disa persona të ndryshëm për çështje parash. Në vitin 2019, ajo është denoncuar në polici dhe në prokurori për mashtrim dhe përvetësim parash, katër herë. Thuhet se Koçi ka pasur dhe probleme të tjera dhe me persona të tjerë mirëpo këto raste nuk janë denonucar në polici.Një fakt tjetër, është se Koçi nuk e mbante më statusin e noteres, pasi ishte përjashtuar përgjithmonë nga sistemi, pas një hetimi të nisur me urdhër të ish-ministres së Drejtësisë, Etilda Gjonaj.
Alpenews.al
