Kohët janë të vështira, por të gjithë biem dakord në një gjë “së bashku do ja dalim”, ku secili qytetar duhet të kryej detyrën e tij për të luftuar këtë armik të rrezikshëm dhe të paftuar mes nesh.
Në kohën kur të gjithë njerëzit qëndrojnë në shtëpitë e tyre të sigurt, disa të tjerë janë atje jashtë, në rrezik dhe përball armikut, për të siguruar që të gjithë të tjerët të qëndrojnë të shëndetshëm dhe të sigurt.
Për ju mjekë, policë, ushtarakë, gazetarë, farmacitë, punonjës të supermarketeve, mësues, postier, por dhe prindër dhe gjyshër, fëmijët kanë disa fjalë të ëmbla për të gjithë ju, për t’ua bërë të gjithë këtë situatë lodhje dhe sakrifice edhe më të lehtë.
Emili, Luisi, Leana, Gabrieli, Arla, Perla, Nives, Emel, Kloa, Amos, Altea dhe Endar kanë një mesazh për të gjithë ne duke na inkurajuar se e nesërmja do jetë më mirë se sot dhe duke bërë durim, bashkërisht do ia dalim e përsëri do ketë jetë e gëzim për të gjithë.
