Pak orë pasi fitoi turneun e Bazelit, tenisti zviceran Roger Federer deklaroi se nuk do të marë pjesë në turneun e fundit Masters të këtij viti, atë të Parisit, që nis sot në kryeqytetin francez. “Më duhet të programoj gjithnjë çdo aktivitet ku marr pjesë dhe të respektoj moshën time. Nuk dua të dëmtohem, pasi do të më prishte planet. Trupi im, në këto momente, kërkon të jetë pushim dhe e respektoj. Do të qëndroj pushim disa ditë, për t’u përgatitur për turneun final të Londrës”, u shpreh Federer.
Zvicerani fitoi dje, për të tetën herë turneun e shtëpisë, atë të Bazelit, trofeu numër 95 në karrierën e tij. Kjo tërheqjes nga turneu i Masters i Parisit, Federer humbet shansin për t’u bërë “Numri 1” në botë, pasi është 1,460 pikë pas kryesuesit të renditjes, Rafael Nadal, që do të luajë nesër në Paris dhe më pas në finalet e “ATP Championship” të Londrës.
