Ish-këshilltari dhe krahu i djathtë i Donald Trump, Steve Bannon e ka pësuar keq pas komenteve në rrjetet sociale.
Twitter ka vendosur që t’i fshijë përgjithmonë llogarinë Steve Bannon, pasi ky i fundit kishte shkruar se doktor Anthony Faucit dhe Drejtorit të FBI-së Christopher Wray duhet të priten kokat, sepse nuk ishin mjaftueshëm pro-Trump gjatë shërbimit në administratën e presidentit.
Komentet e ish-strategut të Shtëpisë së Bardhë u bënë gjatë një transmetimi live në internet të shfaqjes së tij: “Pandemic”.
Fillimisht, Bannon u shpreh se eksperti kryesor i sëmundjeve infektive të SHBA dhe shefi i FBI-së duhet të pushohen menjëherë nëse fiton Trump.
Më pas ai tha: “Pjesa e dytë fillon me pushkatimin e Wray dhe Faucit”.
Bannon nuk u ndal me kaq, por e teproi me sulmet e tij: ‘Unë në të vërtetë do të doja të kthehesha në kohërat e vjetra të Tudor-it të Anglisë. T’i vija kokat në hanxhar dhe t’i varja në dy cepat e Shtëpisë së Bardhë si një paralajmërim për burokratët federalë”.
