Fatos Lubonja ka komentuar në emisionin “Studio e Hapur” të Eni Vasilit, arrestimet dhe hetimet e fundit, që prekin kryesisht ish-drejtorë dhe politikanë të rëndësishëm të LSI-së.
“Ju kujtohet atëherë kur filluan gjyqet e komunizmit. Këtej ndërtoheshin piramida andej vazhdonin gjyqet
Përveç asaj që këta kanë vjedhur, problemi është gjetke.
Pyetja është a ka filluar të funksionojë drejtësia. Unë them që nuk ka filluar. Kjo është një lloj propagande dhe një lloj presioni ndaj kundërshtarëve.
Është një drejtësi selektive. Por a është më mirë një drejtësi selektive, apo më mirë pa drejtësi fare?
Për mua kjo është një luftë bandash. Unë nuk them dot se kriminelët e pastrojnë njëri – tjetrin. Drejtësia që i ka të gjithë njëlloj para ligjit është një lloj drejtësie tjetër.
Nuk shoh drejtësi. Është i qartë selektiviteti.
Kjo ka kosto edhe për ata që duan të punojnë edhe për ata që po vjedhin dhe që po fuqizohen politikisht.
Këtu krimi po bëhet me kullat dhe askush nuk flet. Nuk kam hall kush hyn në burg, por të mbarojë ky sistem”, tha Lubonja.
