Faton Shoshi s’ka ndërmend të rikthejë bashkëpunimin me Era Istrefin. Ai është shumë i fokusuar në një tjetër mision: të bëjë yje ndërkombëtarë dy reperët Ledri Vula dhe Buta.
“Për momentin nuk e besoj. Jam i fokusuar tek artistët e rinj, s’ma merr mendja.”, u shpreh Shoshi.
Ish-menaxheri i Era Istrefit zbuloi se ndodhet në prag të nënshkrimit të një kontrate të madhe për dy artistët me një prej kompanive më të rëndësishme diskografike në botë. Gjërat janë thuajse gati dhe nuk do mbeten vetëm me kaq: Faton Shoshi ka ndërmend të bëhet edhe vetë botëror.
Në një intervistë ekskluzive për “Prive”, ai zbuloi planet për të krijuar një kompani të re ndërkombëtare, që do të mbajë emrin e kompanisë që ka këtu, Nesër Music.
“Tani kam Ledrin dhe Butën. Shpresoj që së shpejti ata të bëhen ndërkombëtarë. Jam duke bërë negociata me disa artistë ndërkombëtarë dhe një label ndërkombëtar në New York, jam shumë afër realizimit të marrëveshjes. Shpresoj që shumë shpejt do të mbyllen negociatat dhe do të krijojmë një kompani, që gjithashtu do të quhet Nesër Music.”
Më parë, Faton Shoshi zbuloi se Ledri Vula ka marrë një propozim për të bërë bashkëpunim me reperen e famshme, Iggy Azalea.
Megjithëse menaxheri mbylli një marrëveshje shumë të kënaqshme financiare, Ledri refuzoi (lexo këtu).
Pjestari më i ri i Nesër është reperi Buta, i cili hyri në muzikën shqiptare me një rrymë të re që është shumë në modë në tregun ndërkombëtar, trap hip hop.
Në Shqipëri, ai njihet prej këngëve si Hashish Thaçi apo bashkëpunimi me Ledrin, “Mbi re”./anabel
