Gjatë këtij viti që po lëmë pas fatëkeqësisht shumë gra u ekzekutuan në mënyrën më të keqe dhe të dhimbshmenga bashkëshortët apo burra të tjerë. Këto ngjarje tronditën mbarë opinionin publik dhe reagimet qenë të shumta. Ngjarje që të mbeten në kujtesë ku shpresojmë se viti i ri nuk do ketë të tilla krime.
Alpenews.al ju risjell në kujtesë rastet e trishta ku shumë gra u vranë dhe u masakruan për shkaqe banale.
Më 27 janar, një krim i dyfishtë u regjistrua në Gramsh, ky një 80-vjeçar vrau gruan dhe vëllanë e tij. Autori, Xhevit Sinani ekzekutoi me sëpatë bashkëshorten e tij, Zegjine Sinani 74 vjeç dhe të vëllanë, Shaqir Sinani 73 vjeç.
1 marsi nisi me masakrën e Dan Hutrës, i cili vrau 3 gra dhe plagosi 3 të tjera. 40-vjeçari la të plagosur me armë zjarri Elena Hysën, 35 vjeçe, dhe Kujtime Hysën, 60 vjeçe (ish-bashkëjetuesja e tij dhe nëna e saj) dhe ka vrarë Mevlute Hysën 30 vjeçe, (motra e ish-bashkëjetueses së tij) dhe Hasime Dafkun 30 vjeçe, (e fejuara e vëllait të ish-bashkëjetueses).
Një tjetër krimi tronditës u shënua edhe 1 mars në zonën e Kamzës, ku 31-vjeçarja, Etleva Kurti është vrarë me armë zjarri në oborrin e banesës së saj.
12 marsi shënoi një tjetër ngjarje kriminale, ku viktimë mbeti, Mimoza Paja. Kjo e fundit u vra në sytë e mbesës 10 vjeçare, teksa shërbente kafen në një lokal në Don Bosko.
Edhe në Prill, u shënuan disa ngjarje kriminale. Më 8 prill një 43-vjeçar vrau me armë zjarri kunatën e tij dhe më pas vrau edhe veten. Ngjarja ndodhi rreth orës 04:00 të mëngjesit në Shkozë të Tiranës.Migena Sinani, 37 vjeç, dhe Roland Sinani, 43 vjeç, janë dy viktimat.
Me datë 17 Maj, një krim ndodhi në fshatin Kusarth, ku një grua 44-vjeçarja u godit për vdekje nga kunati Tefik Tashi, 58 vjeç.Viktima është 44-vjeçarja Alma Qevani, motra e bashkëshortes së Tefik Tashit.
Më 29 korrik një ngjarje shokuese ndodhi në Korçë, Gjergji Mullalli i mori jetën bashkëshortes së tij 46-vjeçare, Luiza Mullalli. Pas vrasjes, autori ka hedhur trupin e saj në një gropë septike që ndodhej pranë banesës.
Alpenews.al