Kryebashkiaku i Tiranës Erion Veliaj i ftuar në emisionin ‘’Real Story’’ të Sokol Ballës në News24 ka folur për zhvillimin e kryeqytetit, ndërtimeve dhe shtimit të popullsisë.
Sipas Veliajt, tashmë Tirana është rreth 1 milionë banorë dhe është fat që kryeqyteti po rritet. Ai madje thotë se qytetet e tjera po firojnë nga banorët, pasi studentët vijnë në Tiranë, kurse pensionistët qëndrojnë në qyteza.
Më tej ai thotë se shtimi i popullsisë sjell më shumë ndërtime, taksa, të ardhura por dhe më shumë punësim.
‘’Fati i këtij qyteti është se po rritet. Është fat i madh për Tiranën, Ua qaj hallin kolegëve në qyteza të tjera, ku po mbeten vetëm pensionistët. Po firojnë. Në Greqi për shembull kanë mbetur vetëm Selaniku e Athina. Pra nuk ke pellgun e talenteve që zgjedh. Sigurisht kjo sjell më shumë taksa, më shumë të ardhura, më shumë ndërtim por që sjellin punësim.’’- tha Veliaj.
