Policia e Shkodrës ka arrestuar ditën e sotme një notere e cila akuzohet për falsifikim pronash. Bëhet me dije se arrestimi është bërë mesditën e sotme.
Shkoder
Ndalohet nga policia, një shtetase për shpërdorim detyre. Me datë 22.03.2018 nga strukturat e Komisariatit të Policisë Shkodër u bë ndalimi i shtetases: Majlinda Dibra, 44 vjeçe, banuese në lagjen “Qemal Stafa” Shkodër, me detyrë Notere. Ndalimi i kësaj shtetase u bë pasi në zbatim të urdhërit me datë 22.03.2018 të Prokurorisë Pranë Gjykatës së Shkallës Parë Shkodër për ekzekutimin e vendimit penal me nr. 289, të Gjykatës së Shkallës Parë Shkodër, e cila ka vendosur masen e sigurisë “Arrest me burg”. Materialet iu referuan Prokurorisë së Rrethit Gjyqësor Shkodër për veprën penale “Shpërdorimi i detyrës” parashikuar nga neni 248 i Kodit Penal.
