Kryetari i Partisë Demokratike, Sali Berisha deklaroi se në zgjedhjet e ardhshme diaspora do të ketë të drejtën e votës.
Berisha tha në një komunikim në ‘Facebook’ me qytetarët se Diaspora është një faktor madhor për një Shqipëri të zhvilluar.
“Ne do bëjmë gjithçka që diaspora shqiptare të votojë në zgjedhjet e ardhshme parlamentare. Do bëjmë gjithçka për një shkrirje, bashkëpunim sa më të ngushtë në të gjitha format dhe aspektet e diasporës shqiptare. Do të krijojmë mundësitë që Diaspora të investojë në Shqipëri, të angazhohet në institucionet administrative shqiptare. E konsiderojmë Diasporën një faktor madhor për një Shqipëri të zhvilluar, me një të ardhme të sigurt.”, tha Berisha.
