Operacioni “Dekani” në Elbasan, është finalizuar me arrestimin e një dekani, 2 pedagogëve dhe 3 sekserëve të Universitetit “Aleksandër Xhuvani”.
Ndërkohë, mes të arrestuarve është edhe Admirim Kala, nën cilësinë e sekserit.
Ky i fundit është një emër jo pak i panjohur për publikun pasi ka qenë në listën e LSI si kandidat për deputet në qarkun e Elbasanit.
Emri i tij përflitej si kandidaturë e mundshme e Monika Kryemadhit për kreun e Bashkisë së Gramshit duke e prezantuar si një kandidaturë të opozitës.
Mesa duket tashmë do i duhet të harrojë betejën elektorale për t’u përballur me betejën e drejtësisë.
Bashë, me të në pranga ka rënë edhe dekani i Fakultetit të Shkencave Humane, Albert Riska, shefja e Departamenti të Gazetërisë dhe Gjuhë Letërsisë, Elvira Lumi, pedagogia e Fakultetit Ekonomik Erjola Calja si dhe sekserët Adem Ngjela e Petrit Kodra bashkë me një student, Marjus Calja.
