Teksa mbarë opinioni publik u shokua nga lajmi se “Deputeti Ervin Salianji do të ekzekutohej me snajper”, sot ka dalë në dritë letra e plotë ku janë referuar mediat, e cila i ngjason një skenari për ndonjë filmë aksion.
Edhe pse ky lajm u pompua nga mediat pranë opozitës për ta trajtuar si një skandal apo si problem të sigurisë së jetës së një deputeti, por përpara kemi të bëjmë me asgjë tjetër veç një loje të hidhur.
Mesa duket, disa të burgosur kanë zgjedhur të shtyjnë kohën e lirë duke u argëtuar me deputetin demokrat i cili njihet për inskenime historish.
Më poshtë, “TemA” po përcjell letrën e plotë:
“Për ekzekutimin tuaj, personi që është zgjedhur për ta kryer është skeduar nga CIA për trafik armësh me ISIS dhe Al Kaedën.
Ka të dhëna se Taulant Balla i ka dhënë këtij personi 200 mijë euro parapagesë dhe t’i ketë siguruar armën tip snajper.
Ky person është vërtetuar se pak kohë më parë është takuar me Taulant Ballën në Gjirin e Lalëzit ku kanë qenë të pranishëm edhe vetë Lulzim Berisha në një restorant privat që rezulton nga qelizat e celularit kanë qenë pranë kompleksit Vila Mar në Lalëz.
Zoti Ervin, ka qenë ndërhyrja e një agjenteje femër nga Bushati Shkodër e cila ka flirtuar për të shmangur këtë atentat.
Por në datën 10.11.2018 është bërë plan që të vihet në zbatim. Për zbatimin e këtij plani janë vendosur në shërbim edhe Policia e Shtetit, komisariatet.
Bashkëpunëtorë të Ardi Veliut, i kanë dhënë këtij para, ndihmesa të vendeve që ju frekuentoni. Ky person i kamufluar me uniformë policie do të hipë në një papafingo pallati.
Ju bëj me dije se ky person është i aftë për snajper pasi është edhe anëtar i ISIS sipas një video që ka qarkulluar para pak kohësh ka qarkulluar në You Tube.
Zoti Salianji ka të dhëna se juve mund të ekzekutoheni për shkak të denoncimeve që i keni bërë kësaj qeverie.
Zoti Salianji unë mbaj përgjegjësi penale për ç’ka ju thashë më lart.
Mos harro, se unë që nga viti 1996 jam anëtar i CIA-s, plus që gjithmonë jam pesë hapa para çdo qeverie, kësaj në Albania apo asaj në Ankara tek Erdogan pasi ju siguroi se Dorian Duli është spiun i shërbimit sekret turk dhe Janinës. Djali i tij, Gentian Duli ndodhet në Iran.
Zoti Salianji per çkla ju thashë unë nuk fshihem pas asnjë lloj perdeje”, shkruan ndër të tjera i burgosuri i cili pretendon se ka qenë pjesë e grupit famëkeq “Cosa Nostra”.
