Facebook Messenger ka njoftuar se ka ngritur rezolucionin e fotografive që u dërgohen marrësve. Nëse nuk e keni ditur, aplikacionet e mesazheve si Facebook Messenger, Telegram dhe Whatsapp aplikojnë një lloj kompresioni të kualitetit para se fotot të arrijnë personin të cilit po i dërgohen.
Këtu janë disa krahasime që tregojnë ndryshimin.
Rezolucioni në Facebook Messenger ka qenë “2K” për një kohë – ose 2048 x 2048 piksela. Një përditësim i ri do t’ju lejojë të dërgoni fotografi deri në 4096 x 4096 piksele. Shumë telefona këto ditë përdorin kamera 12MP, dimensioni më i gjatë i të cilëve është midis 4000 dhe 4048 piksele, shkruan tg.
Pra, nëse dërgoni fotografi nga një iPhone X, Pixel 2, ose Samsung Galaxy S8 ose Note8, marrësi juaj duhet t’i marrë ato në kualitetin e plotë. Facebook gjithashtu përmendi që fotot do të dërgohen “shpejt si më parë”, kështu që duhet të ketë një lloj të ri të zvogëlimit të madhësisë së skedarëve në lojë.
Tipari me imazhet me rezolucion më të lartë (që Facebook i quan “imazhet 4K”) tani po qarkullojnë në iPhone dhe Android për përdoruesit në SHBA, Kanada, Francë, Australi, Mbretërinë e Bashkuar, Singapor, Hong Kong, Japoni dhe Korenë e Jugut. Facebook do të vazhdojë të nxjerrë imazhe 4K në vende të tjera “në javët e ardhshme”.
