Facebook i ka ndihmuar shumë njerëzimit rreth komunikimit me njëri tjetrin. Por, tani po provon një aplikacion që t’i ndihmojë beqarët. Këtë aplikacion që ende është në fazën e provës, e ka vërejtur një studiuese e aplikacioneve Jane Manchun Wong.
Fotot se si duket aplikacioni ajo i publikoj në Twitter ku shkroi: “Facebook po teston aplikacionin për takime dashurie”.
Ky aplikacion nuk është krejtësisht i rastësishëm pasi që 2 muaj më parë Facebook shpërndau një lajm se është në proces të krijimit të një aplikacioni për takime dashurie.
Ende nuk dihet se kur Facebook do ta bëjë publike aplikacionin por tani për tani ekzistojnë shumë aplikacione të ngjashme.
