Një mjek në Spitalin Universitar në Essen u arrestua nën dyshimin për vrasjen e dy pacientëve me injeksione vdekjeprurëse.
Mediat raportojnë se këta ishin pacientë të infektuar me koronavirus.
Policia tha se ishte një mjek 44-vjeçar i cili u arrestua nën dyshimin e vrasjes nga pakujdesia.
Ai akuzohet për dhënien e injeksioneve vdekjeprurëse një pacienti 47-vjeçar dhe një 50-vjeçar që vdiq në 13 dhe 17 nëntor.
Mjeku pretendon se ai veproi në marrëveshje me familjen e pacientëve dhe për të shkurtuar vuajtjet e tyre. Ai pretendon, megjithatë, se i dha injeksionin vdekjeprurës vetëm njërit prej dy pacientëve të vdekur.
Të dy pacientët ishin në gjendje kritike, dhe media njoftoi se të dy ishin të infektuar me koronavirus.
Ndihma aktive e vetëvrasjes (eutazania) është e ndaluar në Gjermani, raporton The Guardian.
