E ndërsa vjedhjet e automjeteve nuk kanë munguar në qytetin e Fierit, janë vetë qytetarët ata të cilët tashmë denoncojnë rastet dhe kërkojnë kapjen e autorëve. Grabitja e paraqitur nga kjo video ka ndodhur në datë 24 prill të këtij viti, në lagjen “15 Tetori” në Fier. Në pamjet e siguruara duket qartë grabitësi, i cili hap makinën e më pas hipën në të për të qëndruar disa minuta.
Më pas ai arrin të shtyjë automjetin tip ‘Mercedes Benz’, pa e ndezur atë. Pronari i makinës në fjalë, ka denoncuar rastin e vjedhjes së makinës së tij në policinë e Fierit dhe dosja e plotë, i është dorëzuar prokurorisë për të gjetur autorin e grabitjes.
Por mesa duket, po i njëjti grabitës, ka tentuar të vjedhë edhe makina të tjera në po të njëjtën lagje. Në pamjet e marra nga kamerat e sigurisë, ai ka tentuar të hapë e thyej me forcë disa makina, por pa mundur të finalizojë vjedhjen.
Vidoja e siguruar ’ tregon fare qartë momentin, kur grabitësi tenton të vjedh një tjetër makinë, e më pas të thyer xhamin e një tjetër automjeti, po në lagjen “15 Tetori”, pa u shqetësuar aspak. Sipas policisë së Fierit, për të gjitha rastet e denoncuara po punohet për identifikimin e dhe kapjen e autorëve, ndërsa i bën thirrje qytetarëve të bashkëpunojnë nëse rastësisht ndodhen ose shohin një akt kriminal.
