Mjeku i njohur Arjan Mezini është prekur nga koronavirusi.
Mjeku prej 9 muajsh ndodhet në vijën e zjarrit të përballjes me Covid 19. Lajmin që është prekur nga Covid e ka bërë me dije vetë mjeku në një intervistë.
Ai është shprehur se ka pasur temperaturë dhe dhimbje muskulare dhe se tani është në fazën e rikuperimit.
“Jam në fazën e rikuperimit. Unë e kalova. Është e pamundur ti shmangesh. Nuk besoj se e kam marrë në spital. Por kjo nuk është siguri absolute. Gjatë qëndrimit të gjatë nuk pata probleme. Besoj se mund ta kem marrë nga një burim i jashtëm. Për një mjek nga ana psikologjike është më e lehtë. Unë kalova një formë me temperaturë dhe dhimbje muskulore dhe djersë gjatë natës. Unë nuk ndoqa asnjë protokoll me medikamente. Përdora vetëm vitamina, dhe ibuprofen”, tha ai për ‘abcnews’.
