Di se si të shigjetosh zemrën kryeneçe të një Dashi? Po të një zevzeku si Gaforrja? Në fillim duhet t’u njohësh pikat e dobëta dhe të forta. Pak diplomaci dhe do kesh një harmoni të plotë. Ja të gjitha sjelljet që duhen shmangur në bazë të shenjës së Horoskopit për një lidhje të qetë dhe të gjatë.
Me një Dash shmang…
Sjelljen prej komandanti… sepse është specialiteti i tij. Nuk duron t’i japësh urdhra dhe t’i thuash ç’të bëjë. Lërë të lirë dhe do shohësh se do tregojë vetëm anët e tij më të mira.
Me një Dem shmang
Kundërshtimin. Është kaq i bindur se ka të drejtë sa është gati të bëjë gjithçka për të ta provuar. Më mirë merre me ëmbëlsi dhe do shohësh se pak nga pak do tërhiqet vetë.
Me një Binjak shmang…
Ankesat. Është një shenjë që nuk shquhet për durim dhe mërzitet shumë shpejt nëse ulesh e i bën listën e fatkeqësive të tua. Merre me lehtësi dhe do ta kesh në anën tënde.
Me një Gaforre shmang
Acarimin. Duhet vetëm pak fare që të ndihet i lënduar. Nëse ke diçka për t’i vënë në dukje, numëro deri në dhjetë, ruaj qetësinë dhe do mjaftojë për të zgjidhur çdo problem.
Me një Luan shmang
Mospërfilljen. Për të është shumë e rendësishme që të vënë në dukje rolin prej lideri dhe nuk duron dot që të mos merret në konsideratë. Ushqeja egon pastaj kërkoji diçka.
Me një Virgjëreshë shmang
Polemikat. Qenia e tij prej polemisti të thekur mund të çoje deri në infinit çfarëdo diskutimi. Më mirë jepi të drejtë se të leverdis më shumë.
Me një Peshore shmnag
Lënien pas dore. Kjo shenjë nuk duron të rrethohet nga gjëra dhe njerëz që nuk kurrespondojnë me kanonet e tij të bukurisë dhe elegancës. Për të forma ka shumë rëndësi.
Me një Akrep shmang
Banalitetin. Është i tërhequr nga njerëz jashtë skemave dhe nga gjithçka që ka pak mister. Gjithçka banale e fik dhe pak nga pak rrezikon të humbasësh vëmendjen e tij. Do shkojë të kërkojë të tjerë stimuj tjetërkund. Por kujdes: është një nga shenjat më pak të gatshme për të falur tradhtinë.
Me një Shigjetar shmang
Seriozitetin ekstrem. Adoleshentin e përjetshëm të zodiakut nuk duhet ta mërzitësh me diskutime shumë serioze dhe materiale. Nëse duhet ta bësh, jepi situatës pak alegri.
Me një Bricjap shmang
Tradhtinë. Është një shenjë shumë serioze që nuk fal dhe nuk jep shanse të dyta. Nëse ke me të një lidhje dashurie, miqësie ose pune, duhet të jesh përherë i ndershëm.
Me një Ujor shmang
Bezdisjen. Ujorët nuk pushtojnë dhe nuk duan të pushtohen. Bezdisja i largon dhe paradoksalisht, për t’iu afruar duhet ta duash me durim dhe t’i qëndrosh pak larg.
Me Peshqit shamng
Të qëllosh drejt e në shenjë. Është një shenjë që ka shumë rrezik të keqkuptohet. Qartësia e gjërave do të të ndihmojë të hapësh rrugën që është ndjeshmëria e tyre.
