Avokati i Klement Balilit, Theodhori Sollaku tha se Balili u dorëzua sot falë bashkëpunimit prej disa kohës mes policisë me familjarët e tij.
Në një deklaratë për median ai tha se klijenti i tij nuk i është shmangur drejtësisë dhe se provat që kishte Prokuroria për Balilin ishin të dyshimta.
“Ka gati dy vjet që ka qenë në kërkim policor por nga momenti i daljes së urdhër arrestit megjithëse nuk ka pasur asnjë provë trysnia ka qenë e madhe edhe pse ska prova.
Prokuroria ka kërkuar prova nga autoritetet greke.
Tani që erdhi letërporosia dhe hetimet janë drejt përfundimit shtetasi Klement Balili vendosi të dorëzohej.
Dhe shteti në këto dy vite do harxhonte lekë, do e mbante me ushqime dhe do kishte kosto.
Ju e dini që një i burgosur e ka koston 50 euro në ditë. Në asnjë rasti ai nuk i është shmangur asnjëherë drejtësisë”, – tha avokati.
