Vendi ynë edhe për ditën e sotme do të vijojë të jetë nën ndikimin e kushteve të paqëndrueshme atmosferike ndikuar nga masa ajrore të lagështa me origjinë jugperëndimore.
Sipas sinoptikanëve nga Shërbimi Meteorologjik Ushtarak, sot do të ketë vranësira mesatare dhe të dendura si dhe alternime kthjellimesh të herëpashershme.
Vranësirat do të shoqërohen me reshje shiu të dobta dhe lokale të herëpashershme kryesisht gjatë pjesës së parë të ditës si dhe në orët e vona të mbrëmjes.
Ndërkohë që pritet të fryjë erë relativisht intensive me drejtim verilindje – juglindje dhe shpejtësi mesatare 1-10m/s.
Përgjatë vijës bregdetare dhe zonat luginore era do jetë intensive dhe shpejtësia do arrijë deri në 15-18m/s.
Temperaturat per sot parashikohen:
në zona malore 2 deri 16°C
në zona e ulëta 2 deri 23°C
në zona bregdetare 5 deri 22°C
