Presidenti i Turqisë, Recep Tayyip Erdogan, konfirmoi se është pozitiv me koronavirus.
Këtë informacion Erdogan e ka konfirmuar përmes llogarisë së tij zyrtar në Tëitter, ndërsa ka deklaruar se pozitive ka rezultuar edhe bashkëshortja e tij Emine Erdogan.
“Unë dhe bashkëshortja ime sot patëm simptoma të buta, për çka bëmë testin e COVID-19 dhe rezultoi se jemi pozitiv. Mësuam se është varianti Omicron. Falë Zotit ndihemi mirë. Tani për tani vazhdoj të punoj nga shtëpia. Presim lutjet tuaja”, ka shkruar Erdogan.
“Me vullnetin e Zotit do ta largojmë këtë infeksion së bashku me zotin Tajip”, shkroi në Tëitter gruaja e tij 66-vjeçare, Emine Erdogan.
Presidenti serb Aleksandar Vuçiç, i cili ndodhet për një vizitë zyrtare në Kinë, me anë të në postimi në rrjetet sociale i uron një shërim të shpejtë.
“I dashur mik @RTerdogan, ju uroj ju dhe gruas suaj shërim të shpejtë dhe shërim të plotë. Çdo ditë e re le t’ju mbushë me forcë dhe vendosmëri të re për të punuar edhe më shumë për përparimin e vendit dhe popullit tuaj”, shkruan Vuçiç.
Presidenti turk kishte bërë dozën e tretë të vaksinën janarin e vitit të kaluar.
