Ishin bashkëshortë, jetonin nën të njëjtën çati. Por kishin kohë që nuk komunikonin me njëri tjetrin.
Këtë e vërteton telefoni i Erdgys Arrazit që është këqyrur nga polica e Shkodrës dhe që i është përcjellë policisë shkencore në Tiranë për riekspertim e për të rikthyer komunikimet me të shoqen Alma Arrazin, e cila u vetë mbyt së bashku me tre fëmijët. Burimet e TCH konfirmuan se dëshmitare kyç për vijimësinë e hetimeve ndaj të akuzuarit Erdgys Arrazi arrestuar për shkaktim të vetëvrasjes do të konsiderohet kunata e tij, që është njeriu i fundit që takoi të ndjerën pak përpara se ajo të vetëvritej.
Megjithëse 31 vjeçari është i paraburgosur, për prokurorinë është e rëndësishme gjetja e provave shtesë që do siguronin dënimin e tij për shkaktim vetëvrasjeje përmes dhunës psikologjike, që kulmoi shtatë muaj më parë kur kryefamiljari nisi një lidhje jashtë martesore. Gjetja e provave shtesë nevojitet për shkak të një hetimi të mëparshëm pothuajse të ngjashme ku nga largimi i nënës dhe konflikteve të xhelozisë, Naum Toshi mbyti dy djemtë dhe u vetëvar.
Tragjedia e 5 dhjetorit 2016 përfundoi në gjykatë dhe siç përmendet në shkresa kryefamiljari kërkoi ndihmë në polici për largimin e të shoqes me të cilën kishte patur konflikt, teksa Marsela Toshi denonconte se burri i kërkoi të ikte nga shtëpia. Nëna e dy fëmijëve të ndjerë menjëherë pas tragjedisë u vendos nën hetim dhe ndaj saj u ngrit akuzë
Në fund të 2023 gjykata e lartë tha seee tragjedia që tronditi vendin ku babai mbyti dy djemtë njëri katër vjeç dhe tjetri 7 vjeç, nuk ndodhi për shkak të nënës dhe se gruaja duhet dënuar për braktisje të të miturve
Në dosje përmendet se si babai i dy djemve përpara se të ndërmerrte vrasjen e dyfishtë dhe ti jepte fund jetës kishte shkruar “unë po iki po i marr dhe dy fëmijët që të mos jetë jetim, pa nënë e pa babë. As në shtet nuk i le dot se do kenë një emër tjetër. Në këto dorëshkrime ai shkruan mbi marrëdhënien konfliktuale.
“Erdhi në datën 4 dhjetor. Kërkoi çfarë i duhet dhe iku me atë që do. Me zor nuk e mbaj dot ma nxiu jetën kjo martesë”.
Në fashikull prokuroria mblodhi si prova dëshmitë e familjarëve dhe këqyri edhe sistemin TIMS ku provoi se nëna i kishte braktisur.
Ky rast analogjik pritet të merret si orientim nga grupi i hetimit i cili këmbëngul se do të ripyetet motra e të ndjerës por edhe disa persona të tjerë.
Si ndodhi tragjedia e 5 dhjetorit 2016?
Naum Toshi mbyti në gjumë dy fëmijët e tij të vegjël, e më pas u var me litar, për shkak të konflikteve me gruan e tij Marsela Toshi.
Ata ishin njohur në vitin 2009 në Greqi, teksa problemet mes tyre nisën pikërisht në momentin që Marsela nisi të punonte si kameriere në një klub nate, fakt që 41-vjeçari nuk e pranoi kurrë. Ata janë njohur në Athinë, në një kohë të vështirë për Marselën e cila jetonte bashkë me djalin e saj të vogël pa asnjë mbështetje dhe e divorcuar nga bashkëshorti i parë.
Vajza nga Fieri ishte bërë nënë në moshë të re, ndërsa Toshi e kishte ndihmuar, ndonëse ajo nuk kishte dokumente për të qëndruar në Greqi. Më pas nga martesa e tyre 4 vite më parë kishin sjellë në jetë edhe djalin e tyre. Sipas të afërmve, ndonëse Naumi kishte zgjedhur të kthehej në Shqipëri, gruaja e tij nuk e kishte harruar Greqinë, madje ishte larguar disa herë nga shtëpia duke ia lënë fëmijët këtij të fundit, me arsyetimin se shkonte për të punuar. Një gjë e tillë nuk është toleruar nga i shoqi, i cili arriti deri në çmenduri, mbyti fëmijët dhe vari veten.
Mendohet se 41-vjeçari e kishte paramenduar krimin monstruoz, duke qenë se kishte lënë edhe një letër sqaruese për të atin, Andrea Toshin, aty ku i shpjegonte arsyet pse po vendoste të ikte nga kjo botë. Është zbardhur dje letra, në të cilën thuhej:
“Ngjitu lart dhe shiko! Babi unë nuk të pyeta kur e mora gruan dhe s’po të pyes as tani pse po iki! Po i jap fund jetës dhe fëmijët po i marr me vete! Ajo mori rrugë tjetër! Nuk më dëgjoi që të kthehej pranë familjes dhe të hiqte dorë nga jeta e rrugës! Nuk u kujdes asnjëherë për fëmijët! Asnjëherë nuk pyeti nëse ushqeheshin apo jo! Ajo shkatërroi çdo gjë! Dhe unë ndaj po iki bashkë me fëmijët e mi!”.