Gjatë gjithë ditës ka qarkulluar se Era Istrefi dhe Faton Shoshi i kanë dhënë fund marrëdhënieve profesionale.
Krahas kësaj, u fol se ajo në Kosovë do të menaxhohet nga kunati i saj, Robert Berisha.
Lajmi.net ka kontaktuar me Robertin, i cili ka thënë se kjo gjë nuk është aspak e vërtetë.
“Po mes Erës dhe Fatonit ka përfunduar bashkëpunimi sa i përket kontratës në Kosovë. Era menxhohet nga Ultra Music dhe Sony dhe për të kujdesen këto dy kompani muzikore botërore. Nuk është aspak e vërtetë që tashmë unë e kam marrë Erën në menaxhim. Unë nuk e menaxhoj veten ose Norën, e lërë më Erën” ka thënë Roberti.
Po ashtu, Roberti zbuloi se me këto dy kompani Era i ka të nënshkruara realizimin e dy albumeve, koha e të cilave nuk dihet sa do zgjasë deri në përfundim.
Gjithashtu, këngëtari Berisha tha se pas përfundimit të albumit të parë, Era do të nisë një turne në gjithë botën.
Kjo gjë, lë të nënkuptohet që Era po menaxhohet vetëm me kompanitë, që nënshkroi marrëveshje vite më parë.