Udhëheqësit shtetërorë e kanë lartësuar Adem Demaçin në ceremoninë mortore për te. Hashim Thaçi ka thënë se koha kur jetoi njeriu që mbajti 28 vjet burg do të njihet si Epoka e Adem Demaçit
Shefi i Shtetit, Hashim Thaçi, ka thënë se Adem Demaçi kishte trasuar rrugën e çlirimit të Kosovës.
“Parimi kryesor i Adem Demaçit ishte bashkimi i shqiptarëve”, ka thënë Presidenti.
“Adem Demaçi ishte lufta e lavdishme e UÇK’së”, ka thënë ai.
Në ceremoninë shtetërore për veprën e Demaçit, Presidenti ka thënë se ideali i Demaçit ishte më i madh se rrahjet, burgosjet dhe dhuna e Serbisë.
“Adem Demaçi gjithmonë rrezatoi humanizëm, mirëkuptim dhe solidaritet, paqe e guxim”, ka shtuar ai.
Presidenti ka thënë se është i lumtur që ka jetuar në epokën e Demaçit.
“Adem Demaçi ishte lufta e lavdishme e UÇK-së, pasi me qëndresën e tij u bë simbol i lirisë kombëtare. Shpirti i tij ishte më i fuqishëm se burgu jugosllavë dhe rrezatoi humanizëm”, tha presidenti Thaçi.
Thaçi tha se Demaçi ishte dhe do të mbetet ndërgjegjja jonë kombëtare, simbol i humanizmit. Ai tha se Demaçi u shndërrua më frymëzues.
Gjatë fjalimit të tij Thaçi tha se Demaçi ishte i madh edhe kur fliste dhe kur kritikonte. Thaçi tha se Demaçi ishte kolos i mendimit të lirë.
