Mos më thoni që e keni vazhduar javën me veshje të ndritshme për inertësinë e Vitit të Ri? Mua mu bënë lëmsh gjërat që para festës, sepse kisha planifikuar të vishja një fustan me temina. Kur u pash në pasqyrë mendova që kisha shumë xixa në trup, më tepër se sa ia lejoj vetes. U zhvesha. Hapa gardërobën, por s’më vinte asnjë ide.
Provoja ndërkohë dhe mbi krevat bëhëj një pirg me veshje të hedhura gjithë nerva. Epo në fund të fundit, unë merrem dhe me veshje, dhe spo gjeja gjë për vete. U nevrikosa sepse kisha provuar 10 kombinime pa sukses. U ktheva sërisht tek fustani me xixa, por nuk e vesha siç ishte.
Përdora një xhaketë pastel rozë për ta thyer paksa, e cila i përket gardërobës time kapsulë. Ndaj ju kuptoj shumë mirë kur keni vështirësi të organizoni një outfit të tërë. Jo për gjë por ju duhet shumë kohë ta mendoni, pastaj këto qe menduat duhet t’i provoni dhe të vendosni.
Me kaosin që u krijua, të nesërmen e kisha të vështirë të gjeja një veshje pa xixa ose velvet.
Nuk kisha planifikuar gjë në datën 1 derisa kushërira më telefonoi të takoheshim për cappuccino tek “Cioccolatini”. Gjëja e parë që gjeta ishte një fustan i zi velvet, gjysëm dantellë.
U desh kohë të gjeja një veshje të rehatshme pa shumë detaje. Ndoshta nuk ju desh të dilnit në dt 1, edhe datën 2 e keni menduar ta kaloni të përqafuar me jastëkun. Po në datë 3? Apo do ia lini fatit? Unë mendoj se kjo javë e meriton të vishemi me pak më shumë glamour se sa javët që vijnë.
Se jemi ende në muajin festiv, akoma s’janë hequr as dritat, as pemët. Nuk do na dënojë njeri, ndaj mos i kurseni veshjet e bukura!