20-vjeçari i shpallur në kërkim për trafik armësh nga Shqipëria në Angli është arrestuar nga policia e Tiranës. Uniformat blu bëjnë me dije se Roseljo Arifi, 20 vjeç, u shpall në kërkim në kuadër të operacionit policor të koduar “Metoda”.
Ky shtetas, në bashkëpunim me shtetasit Jurgen Suca, 26 vjeç, dhe Segest Meti, 20 vjeç, (të arrestuar ditën e djeshme), kanë tentuar të trafikojnë një armë zjarri, të cilën e kishin ndarë në pjesë të fshehur brenda një televizori, me qëllim dërgimin në Angli.
Njoftimi i policisë:
Drejtoria Vendore e Policisë Tiranë/ Specialistët për Hetimin e Krimeve të Komisariatit të Policisë Nr. 3 vunë në pranga shtetasit: R. A., 20 vjeç, i shpallur në kërkim në kuadër të operacionit policor të koduar “Metoda”. Ky shtetas, në bashkëpunim me shtetasit J. S. dhe S. M. (të arrestuar ditën e djeshme), kanë tentuar të trafikojnë një armë zjarri, të cilën e kishin ndarë në pjesë të fshehur brenda një televizori, me qëllim dërgimin në Angli.
