Policia italiane ka arrestuar ditën e sotme një 34 vjeçar shqiptar të shpallur në kërkim që nga viti 2012.
Bekim Ymeri është shtetasi shqiptar i cili ishte dënuar nga Gjykata e Triestes me 2 vite e 10 muaj burg dhe pagesën e një gjobe prej 14 mijë eurosh, por që i kishte shpëtuar këtij dënimi.
Ymeri ishte dënuar në fillim të muajit dhjetor të vitit 2012, e ndërsa është arrestuar këtë të hënë në aeroportin e Falcone Borsellino pas gjurmimit nga agjentët e kompanisë celulare dhe bashkëpunimit me policinë. 34 vjeçari ishte nisur drejt Milanos duke përdorur një dokumet të vlefshëm por me një identitet tjetër. Ansa shkruan se shqiptari është dërguar për në burgun Pagliarelli.