Detaje të reja janë zbardhur lidhur me shpërthimin me lëndë plasëse në një automjet në qytetin e Shkodrës. Pronari i mjetit, Alban Bushati, ka dhënë një deklaratë në polici, ku ka treguar se merret me tregtimin e fruta-perimeve, duke shtuar se nuk ka asnjë ide se kush mund të jenë autorët e shpërthimit. “Nuk e kam idenë se kush mund të jenë autorët”, ka thënë ai.
Megjithatë, policia e Shkodrës ka bërë të ditur se më parë, Bushati ka qenë i përfshirë në aktivitetin e basteve sportive, çka ka ngritur dyshime se shpërthimi mund të ketë lidhje me këtë fushë. Autoritetet janë duke vijuar hetimet për të zbardhur rrethanat e ngjarjes dhe për të identifikuar ata që qëndrojnë pas këtij sulmi.
Policia ka forcuar hetimet dhe ka intensifikuar kontrollin në zonë për të mbledhur prova dhe informacione të tjera që mund të ndihmojnë në identifikimin e autorëve.
