Kapet një shtetas i shpallur në kërkim në fushën e Krimeve ndaj Personit !
Strukturat Policore të Sektorit për Hetimin e Krimeve të Rënda në Drejtorinë Vendore të Policisë Vlorë, në vijim të punës për kapjen dhe ndalimin e shtetasve të shpallur në kërkim, kanë bërë të mundur ekzekutimin e Urdhërit të Ndalimit ndaj një shtetasi të shpallur në kërkim në fushën e Krimeve ndaj Personit, konkretisht shtetasin :
Genti Bana, 33 vjeç, banues në Vlorë.
Për shtetasin Genti Bana Gjykata e Shkallës së Parë Vlorë, me vendim Nr.117, datë 26.04.2017, ka caktuar masën e sigurisë ”Arrest në burg”, për veprën penale ”Vrasja me dashje, e mbetur në tentativë”, e parashikuar nga neni 76 e 22 e Kodit Penal.
Ngjarje e ndodhur më datë 15.04.2017, në lagjen ”Isa Boletini”, ku shtetasi Genti Bana ka tentuar të vrasë me mjete prerëse shtetasin L.M.
Materialet hetimore i’u referuan Prokurorisë së Rrethit Gjyqësor Vlorë për veprime të mëtejshme.
