Policia e Tiranës jep detaje për sherrin e ndodhur pak më parë tek Presidenca.
Në njoftimin e policisë thuhet se katër studentë janë lënduar pas sherrit me mjete prerëse, ndërsa një tjetër është shoqëruar në polici.
Aktualisht në spital ndodhet Jurgen Lleshi, Feliks Lleshi, Klajdi Dumi dhe Klajdi Marku.
Sipas policisë, dy prej të rinjve janë kushërinj me njëri-tjetrin.
Informacion paraprak
Më datë 08.05.2018, rreth orës 11:40 në bulevardin “Dëshmorët e Kombit”, si pasojë e një konflikti të ndodhur, janë dëmtuar me mjete prerëse shtetasit J. Ll., 18 vjeç F. Ll., 18 vjeç K., D., 19 vjeç dhe K. M., vjeç 19, (studenta).
Dy prej tyre, J. Ll dhe F. Ll janë kushërinj (djem xhaxhai).
Shtetasit e dëmtuar janë transportuar për ndihmë mjekësore në spital dhe ndodhen jashtë rrezikut për jetën.
Policia ka shoqëruar 1 person në cilësinë e personit që ka djeni për rrethanat e ngjarjes.
(BalkanWeb)
