Eminën e ka zënë halli. I është fiksuar keq të presë flokët por burri nuk e lë. Ose më mirë të themi, nëse ajo i pret, ai do ta lërë. Ajo po përpiqet ta marrë me të mirë, por jo. Nuk ka asgjë që ta bindë Sam, për t`ia dhënë lejen.
Ai ashtu e ka njohur, ashtu e ka pëlqyer, plus që nuk e di a do i shkojnë a jo, ndaj nuk bëhet palë me guximin e saj. Nga ana tjetër Eminën siç duket e bezdisin. Së shpejti do ketë dy fëmijë dhe ata vdesin për të t`i shkulur. Në dilemë është. Të durojë dhimbjet kur t`ia tërheqë bebi i vogël, apo të divorcohet. Me të qeshur, por i shoqi ia ka bërë të qartë edhe me shkrim. Po i preu, e la.
