Eminem është një prej këngëtarëve më të dashur në botë. Edhe në Shqipëri ai ka shumë fansa për shkak të muzikës së veçantë që ai ka sjellë ndër vite. Duke qenë se na ndan një kontinent i tërë me të, shanset kanë qenë të pakta për të shijuar koncertet e këngëtarit. Por Eminem ka menduar së fundmi edhe për fansat e tij në Europë, pasi së shpejti ai do të organizojë një turne në qytetet evropiane.
Eminem do të mbajë koncerte në Norvegji, Suedi, Mbretërinë e Bashkuar, Zvicër dhe gjithashtu në Itali, ku edhe fansat shqiptar të këngëtarit mund të shkojnë. Ky turne vjen pas një kohe të gjatë që këngëtari nuk kishte mbajtur një koncert në Europë.
Turneu vjen pas hedhjes në treg të albumit të tij të ri, “ Revival, i cili është duke arritur sukses në të gjithë botën. Ende nuk dihet se sa është çmimi i biletave, por kjo gjë do të bëhet publike së shpejti.
