Ambasadorja e SHBA-ve në Tiranë Yuri Kim, me anë të një statusi në “Twitter” ka falënderuar presidentin e Republikës Ilir Meta për emërimin në Gjykatën Kushtetuese të Sonila Bejtes.
Kim thekson se falënderon Metën për këtë dekretim, kurse shton se duhet që Gjykata Kushtetuese të plotësohet me 9 anëtarë, e prandaj nuk duhet të ketë pushim derisa kjo gjë të realizohet.
“1/2 Faleminderit Presidenti@Ilir Meta për dekretimin në këtë mbrëmje të gjyqtares së 7-të të Gjykatës Kushtetuese. Duke vepruar së bashku me urgjencë – në përgjigje të drejtpërdrejtë të opinionit të Komunitetit të Venecias, gjendjes së BE-së dhe kërkesës së Shqipërisë – Presidenca, Parlamenti & JAC kanë dorëzuar dokumentacionet funksionale para datës 12/3/ 2020.
Presidenti, Parlamenti & institucionet e tjera meritojnë lavdërime për arritjen e kuorumit + 1, por nuk mund të ketë pushim derisa të plotësohen të 9 vendet në GJK. Puna duhet të vazhdojë në vitin tjetër. Ne i nxisim kandidatët e kualifikuar t’i përgjigjen thirrjes për detyrë në mënyrë që populli i Shqipërisë të kenë drejtësi të vërtetë, siç i përshtatet Aleatit të NATO-s dhe aspirantit të BE-së”, shkruan Kim.
