Një grup investitorësh të udhëhequr nga miliarderi amerikan Elon Musk ofruan 97.4 miliardë dollarë për të marrë kontrollin e OpenAI.
Sipas Wall Street Journal, kjo gjë ka ka nxitur grindjen e tij me CEO të kompanisë, Sam Altman. Gazeta raportoi se avokati i Musk, Mark Toberov, ia dorëzoi ofertën bordit të drejtorëve të OpenAI dje.
Në përgjigje të kësaj, Altman reagoi në rrjetin social X duke hedhur poshtë ofertën e Musk.
“Jo faleminderit, por ne mund të blejmë Twitter për 9.74 miliardë dollarë nëse dëshironi,” shkroi Altman.
Altman dhe Musk bashkëthemeluan OpenAI në 2015. Qëllimi i tyre nuk ishte të fitonin para, por të zhvillonin inteligjencën artificiale në një mënyrë të përgjegjshme dhe të dobishme për njerëzimin, citon La Repubblica.
Në vitin 2019, Elon u largua nga kompania dhe Sam u bë CEO, duke krijuar një filial jofitimprurës që synonte të mblidhte para nga Microsoft dhe investitorë të tjerë të interesuar në zhvillimin e inteligjencës artificiale, gjithashtu për të konkurruar me përparimin e bërë nga Kina në këtë fushë.
Oferta për blerjen e OpenAI-t nga Musk mund të çojë në fitimin e kontrollit të tij mbi kompaninë, një rival të drejtpërdrejtë të X.AI, kompanisë së tij të inteligjencës artificiale.
