3 vjet pasi ka filluar procesi i Vettingut në drejtësi, radha i ka ardhur edhe drejtueses së komanduar në Prokurorinë e Tiranës, Elisabeta Imeraj. Këshilli i Lartë i Prokurorisë pritet që ditën e nesërme të miratojë relacionin për verifikimin e pasurisë dhe figurës të Elisabeta Imeraj. Pas këtij vendimi i hapet rrugë nisjes së procesit të vettingut për të.
Elisabeta Imeraj është prokurore e përzgjedhur për SPAK por për shkak se vettingut të vonuar ndaj saj, ajo mbetet ende e komanduar në drejtimin e Prokurorisë Tiranë.
Vlerësimi i pasurisë dhe figurës së Elisabeta Imereaj duhet të kalonte me prioritet pikërisht se ishte në listën e kandidatëve për SPAK, dhe për shkak të këtyre vonesave ajo vijon të jetë e komanduar me mandat tre mujor që rinovohet sa herë që i përfundon mandat në Prokurorinë e Tiranës.
Pritet me interes dalja e saj para komisionit të pavarur të kualifikimit për të kuptuar hetimet që kanë nxjerrë KPK në lidhje me pasurinë dhe figurën e saj.
