2 vëllezërit që u arrestuan sot për vrasjen e Abdulla Budlla, taksistit 71-vjeçar, kanë pranuar krimin para policisë.
Arsil dhe Sajmir Sherra, 20 dhe 32 vjeç, teksa kanë pranuar krimin kanë deklaruar se ishin përpjekur të zgjidhin një konflikt me viktimën.
Ata kanë thënë më tej se pak kohë më parë ishin konfliktuar fizikisht me 71 vjeçarin.
“U përpoqëm ta zgjidhnim konfliktin”, kanë thënë 2 vëllezërit para policisë.
Taksisti u qëllua për vdekje para 3 ditësh në Fushë-Prezë të Tiranës.
Gjatë operacionit për kapjen e tyre, Policia gjeti dhe sekuestroi edhe mjetin që kanë përdorur dy vëllezërit për të kryer krimin.
