Dosja për vrasjen e Kudrejt Sailajt në afërsi të Gjykatës së Tiranës do të kalojë për gjykim. Mësohet se para togave të zeza do të dalin ish-bashkëshortja Dhurata Salaj si dhe babai i saj Mexhit Picari, pasi akuzohen për vrasjen e Kudretit.
Sipas dosjes, Dhurata dhe Mexhit kanë bashkëpunuar me njëri-tjetrin dhe arritën që të vrasin në afërsi të Gjykatës së Tiranës Kudret Saliajn, pasi ky i fundit kishte kërkuar divorcin dhe pretendonte kujdestarinë së fëmijëve. Nga kjo ngjarje ka mbetur i plagosur edhe avokati i viktimës, pasi në këtë moment ata ndodheshin sëbashku në një kafe.
Ngjarja e rëndë ndodhi rreth 1 vit më parë një lokal pranë Gjykatës së Tiranës, ku Mexhit Picari qëlloi për vdekje dhëndrin e tij, Kudret Saliaj dhe plagosi avokatin e tij, Adriatik Camajn. Ky i fundit fatmirësisht ka shpëtuar, ndërsa ngjarja ka ndodhur në mes të ditës në një nga zonat më të frekuentuara të Tiranës.
