Këto janë momentet e dhimbshme kur babai ka identifikuar djalin e tij Erjon Xhenje 19 vjeç që u ekzekutua me armë zjarri mbrëmjen e së dielës në Shkodër.
I riu u vra me armë brenda një lokali në bulevardin “Bujar Bishanaku” të qytetit verior. Erjon Xhenje nuk mundej të identifikohej nga policia në momentet e para.
Në vendngjarje ka shkuar babai i të ndjerit dhe ka hyrë brenda lokalit. Aty ka identifikuar të birin dhe ka shpërthyer në lot.
19-vjeçari, banues në lagjen “Guerrile” të Shkodrës, besohet se u qëllua nga një person që udhëtonte me motorçikletë.
Disa minuta pas ngjarjes, policia gjeti në lagjen “Guerrile” një motor duke u djegur.
Shkaqet e ngjarjes janë të paqarta, teksa grupi hetimor pritet që të hedhë dritë mbi ngjarjen.
