Ekzekutimet e Ergys Dashit në Ekuador dhe i Bledar Muçës në Belgjikë ka bërë që autoritetet hetimore të dy vendeve të kërkojnë informacion mbi të shkuarën e tyre në vendin tonë.
Po ashtu, bëhet me dije se në gjurmimin e shkaqeve të dy atentateve të bujshme është kërkuar ndihma e disa shteteve në të cilat kanë lëvizur dy personat që u ekzekutuan mbrëmjen e 22 janarit në dy kontinente të ndryshme.
Hetimi i vendeve respektive duke parë dinamikat e ngjarjeve kriminale ku viktima janë shtetasit shqiptarë kanë kërkuar të mësojnë më shumë mbi të dhënat që gjenden në prokuroritë e disa shteteve të Europës, përfshirë edhe vendin tonë.
Sipas të dhënave, bëhet me dije se Policia dhe Prokuroria belge kanë mundur të krijojnë një identikit të përafërt për njërin nga atentatorët e Bledar Muçës, ndërsa ekzekutimi i Dashit në Ekuador është bërë në mënyrë demonstrative.
Hetimi për vrasjen e durrsakut është përqendruar te përplasjet e grupeve rivale për trafikun e drogës, ndërsa në Belgjikë autoritetet hetimore kanë heshtur përgjatë gjithë ditës së djeshme.
Ata janë fokusuar tek intensiteti i gjurmimit të vrasësve për shkak se ekzekutimi ka qenë i tipit mafioz!
