Të tjera dalin në dritë pas ekzekutimit mafioz të një 47 vjeçari në Rrëshen.
Ekzekutimi i shtetasit Kastriot Reçi është bërë nga tarraca e një pallati, me një distancë rreth 150 metra, duke e qëlluar viktimën për vdekje me një plumb në zemër.
Pas ekzekutimit, burime për News 24 thanë se autori ka zbritur nga pallati dhe ka hedhur në katin e parë snajperin, duke u larguar me shpejtësi nga vendi i ngjarjes.
Ai ishte i maskuar. Kamerat e sigurisë kanë filmuar arratisjen e tij.
Nga ana tjetër, gruaja e viktimës ka mohuar konfliktet e Reçit me persona të tjerë. 47 vjeçari ka qenë bashkëpronar i një televizioni lokal.
