Detaje të reja janë zbuluar nga operacioni i zhvilluar dje nga RENEA dhe FNSH në Peqin, për shkak të vrasjes rreth një javë më parë të Emiljano Ramazanit. Burime bëjnë me dije se për ngjarjen policia ka shoqëruar dje gjashtë persona, dy prej të cilëve janë lënë në burg.
Aktualisht në komisariat janë ende Albert dhe Seit Manahasa, babë e birë, pasi gjatë shoqërimit në servisin e tyre është gjetur një armë zjarri. Ndërkohë personat e liruar janë Kreshnik dhe Ymer Manahasa, Artur Tosku si dhe Bujar Dervishi.
Dyshimet e policisë janë se Seit e Ymer Menahasa, vëllezër, janë përfshirë në vrasjen e Ramazanit. Kjo për shkak se mendohet se ata kanë siguruar makinën për atentatin ndaj Emiljano Ramazanit.
Gjatë marrjes në pyetje të arestuarit kanë refuzuar kategorikisht që pistoleta u përket atyre. Ata hodhën akuza se e gjitha bëhet nga konkurenca për t’i prishur imazhin biznesit të tyre.
Ndërkohë, dyshimet e policisë janë se Seit e Ymer Menhasa, vëllezër, janë përfshirë në vrasjen e Ramazanit. Kjo për shkak se mendohet se ata kanë siguruar makinën autorëve për atentatin ndaj Emiljano Ramazanit.
Deri në këtë fazë të hetimit ndaj dy vëllezërve nuk është marrë asnjë masë ndalimi, por vetëm shoqërimi i tyre.
Njëri prej vëllezërve, pikërisht Ymer Manahasa në janar të vitit 2008 është bërë njëherë objekt i një atentati me armë në fshatin Bardhas, ku ndaj tij është qëlluar plot 5 herë por pa pësuar lëndime. Gjithashtu Manahasa është shoqëruar edhe më parë në polici si i dyshuar për një vrasje në zonën e Peqinit, por akuzat nuk janë faktuar asnjëherë dhe për pasojë ai është lënë i lirë.
