Ndërkohë që vrasja e bujshme e një biznesmi ka tronditur Tiranën një natë më parë janë bërë publike edhe detaje te reja.
Në lidhje me ekzekutimin e 64 vjeçarit, Memli Begalla natën embrëmshme në zonën e ish-blokut kanë folur fqinjët e biznesmenit.
Ata thonë se nuk kanë dëgjuar asnjë krismë, e morën vesgh vetëm kur erdhi policia dhe rrethoi zonën.
Fqinjët thonë se kryefamiljari Begalla, babai i tre fëmijëve ishte familjar i rregullt. Ishte njeri i mirë nuk ishte problematik.
“Për herë të fundit e pashë dje Memli Begallin po rregullonte makinën, poshtë ballkonit tim. Ishte prind i dy djemve dhe familjar i rregullt. Nuk dëgjova krisma kur ndodhi ngjarja. Vrasjen e mësova kur erdhi policia dhe rrethoi oborrin. Nuk dëgjova as për ndonjë zënkë në oborr”– thotë fqinji i biznesmenit të ekzekutuar në garazhdin e pallatit ku jetonte në zonën e ish Bllokut, në rrugën ‘Nikolla Tupe’
Memli Begalla, 64 vjeç, nga Progonati i Tepelenës u ekzekutua me plumb në kokë pasi ka zbritur nga kati i pestë i pallatit. Dhe në afersi të makinës së tij siç duket e prisnin atentatorët. Këta të fundit i janë afruar viktimës, teksa kanë qenë duke marrë makinën, dhe e kanë qëlluar me një plumb në kokë, me silenciator, duke larguar me shpejtësi nga vendngjarja.
Ndërkohë është bërë publike dhe një padi e ngritur ndaj këtij biznesmnei për borxhe. Pikërisht kjo është dhe njëra pistë ku po hetojnë policia dhe prokuroria. Gjithashtu, një tjetër pistë hetimi është ajo e trafikut të drogës poer edhe mundësia e ndonjë sherri të familjarve të tij.
Burime mediatike bëjnë të ditur se Biznesmeni i ekzekutuar rezulton një person me precedent penal në Itali. Sipas mediave italiane, Memli Begalla para se të ndryshonte emrin nga Afrim Begalla është arrestuar në dhjetor të vitin 2009 nga policia italiane në Bari, pasi ka marrë me forcë vajzën e tij nga Zvicra duke mos e lejuar të martohet më një shtetas nga Kosova. Atehre ai u gjykura per rrembim personi.
AlpeNews.al
