Domenico Manzi 21 vjeç dhe Domenico Patruno 29 vjeç, të akuzuar për vrasjen e 21-vjeçarit shqiptar Viktor Picaku në Corato të Italisë, janë lënë në burg nga Gjykata e Tranit.
Gjykatësja Maria Anna Altamura e ka cilësuar të ligjshëm arrestimin e dy autorët e dyshuar të vrasjes me armë zjarri të shqiptarëve dhe njoftoi vendimin e lënies së tyre pas hekurave.
Në seancën e kësaj të shtune, i pandehuri Manzi ka përsëritur sërish deklaratën që dha pas dorëzimit në polici: Edhe pse pranon se e ka qëlluar Picakun, mohon ta ketë telefonuar për të fiksuar një takim në sheshin “Abbazia” për tu sqaruar lidhur me një sherr ndodhur dy netë para vrasjes, që ndodhi më 1 gusht.
Ndërsa ditën e djeshme, në institutin e Mjekësisë Ligjore të Barit u zhvillua autopsia në kufomën e të riut shqiptar. Siç raportojnë mediat italiane, u konfirmua prezenca e dy plumbave në trupin e 21-vjeçarit, një këmbë dhe një në shpatull.
