Në një lidhje telefonike për ‘Studio e Hapur’ të gazetares Eni Vasili në News24, avokati i Izet Haxhisë, Fran Dashi ka folur për ekstradimin e ish truprojës së Sali Berishës nga Turqia, i akuzuar për vrasjen e Azem Hajdarit dhe i dënuar me 25 vite burg në mungesë.
Avokati tha se nuk e ka takuar klientin e tij sot, pasi ishte i lodhur, por do e takojë nesër në drekë. Fran Dashi tha se veprimi i parë që do kërkojë për klientin e tij do jetë ajo e rihapjes së dosjes dhe se do mësohen shumë gjëra.
Biseda:
A e keni takuar klientin tuaj?
Jo. Ai është ekstraduar sot dhe është transferuar në burgun 302. Për shkak të lodhjes nuk e takova sot, por do e takoj nesër nga dreka.
Veprimi i parë që do bëni ju?
Dua të ndaj me ju se unë jam një përfaqësues ligjor i Izet Haxhsë dhe nuk jam përfaqësues politik. Unë kam tagrin ta mbroj nga ana proceduriale.
Veprimi juaj i parë procedural?
Unë jam një përfaqësues ligjor, nuk jam politik. Komentoj vetëm anën proceduriale, nga ana politike nuk e marr përsipër. Do bëjmë më të mirën e mundshme, si pikënisje kemi për të shkuar drejt rihapjes së hetimit, pasi Izet Haxhia është gjykuar dhe dënuar në mungesë. Nuk është pyetur asnjëherë nga trupi gjykues
Është arsye për ty rihapur çështja sipas ligjit?
Po e parashikon ligji.
A keni informacion nëse ministri i Drejtësisë së kohës, z. Rusmajli ka dhënë garanci se do ti rihapet dosja Izet Haxhisë nëse do të ekstradohej nga shteti turk drejt Shqipërisë?
Dua të jem shumë korrekt. Nuk kam shumë informacion e nuk mund të komentoj një gjë të tillë. Nuk dua të flas para kohe por në kohën e duhur dhe në momentin e duhur do të mësojmë shumë gjëra”.
