Një shpërthim me lëndë plasëse artizanale ka ndodhur gjatë natës në një banesë në kryeqytet. Lënda plasëse është vendosur në derën e jashtme të një banesë në rrugën ‘Shaban Bardhoshi’ në Kombinat. Mësohet se banesa është në pronësi të shtetasit Klaudio Uka dhe nga shpërthimi nuk ka persona të lënduar, por vetëm dëme materiale. Nuk dihen ende shkaqet dhe motivet e ngjarjes. Forca policie vijojnë hetimet.
Njoftimi i policisë:
Më datë 01.03.2018, rreth orës 01:40, në rrugën ” Shaban Bardhoshi ” jashtë murit rrethues të banesës së shtetasit K.U., ka patur një shpërthim. Nga shpërthimi ku dyshohet lëndë plasëse nuk ka dëme në njerëz e as dëme materiale. Dyshohet se mund të jetë vendosur një sasi e vogël lëndë plasëse artizanale. Grupi hetimor vijon punën për sqarimin e rrethanave të ngjarjes, identifikimin dhe kapjen e autor/it/ëve. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
