THE MISS GLOBE 2017 edhe këtë vitë do të na prezantojë me femrën më të bukur të Globit. Në garë janë 56 konkurente nga 56 shtete, përfaqësuese të shoqëruara nga mbi 25 drejtorë nacionalë. Pas turit nëpër Shqipëri këtë herë Deliart i cili është mbajtës i Patentës “The Miss Globe” zgjodhi Shqipërinë e mesme dhe juglindore për vizita. Vizitat janë kryer në Belsh, Tiranë, Durrës, Pogradec, Divjakë, Kamez.
“The Miss Globe” kanë pushtuar Parkun Olimpik. Vajzat janë shumë entuziaste dhe kanë dëshirë ta eksplorojnë Shqipërinë. Parku Olimpik është përzgjedhur edhe si vendi ku do të zhvillohet finalja e madhe në 3 Nëntor. Bukuroshet nga e gjithë bota kanë marrë vëmendjen e medias televizive me paradën e flamurëve të botës në bulevardin e ri, të shoqëruara nga Banda e Qytetit Tiranë.
Vajzat kanë vizituar pika të rëndësishme në vend, si: Pazarin e Ri, janë argëtuar me sportet ‘outdoor’ në Parkun e liqenit artificial si edhe ndërkohë vazhdojnë provat koreografike. Spektakli i MISS GLOBE do të prezantohet nga Leonard Bombaj dhe gruaja e tij, Esmeralda Blaceri. Dimple Patel “The Miss Globe 2016”, ka mbërritur në Tiranë për të dorëzuar kurorën vajzës fituese. Ajo është entuziaste për kthimin e saj në familjen Deliart dhe në Shqipëri sepse pikërisht kurora që mori në vendin e Nënë Terezës i ka ndryshuar jetën.