Një zjarr i rëndë shpërtheu në një bllok banesash në Alby të Suedisë të dielën në mbrëmje.
Sipas mediave vendase shqiptari Kelman Qibini së bashku me fqinjët e tjerë janë kthyer në heronj, duke u ardhur në ndihmë të rrezikuarve dhe duke shpëtuar një burrë nga flakët, pasi kishte mbetur i bllokuar në shtëpi.
AlpeNews.al ka kontaktuar me Kelman Qibin dhe i ka marrë një prononcim mbi ngjarjen e ndodhur dhe disa detaje nga jeta e tij në Suedi.
- Jeni cilësuar si hero në Suedi për shkak se ishit bashkpuntor në shpëtimin e një familje nga flakët, si ndiheni?
Bëhët fjalë për një person të moshuar i cili jetonte vetëm në shtëpi.
Janë të ndryshme ndjesitë e mia pas asaj që ndodhi: E para pavarësisht rrezikut, pengesave dhe rraskapitjes përjetova lumturi të paimagjinueshme kur arritëm dhe e nxorëm gjallë.E dyta ishte fitore e madhe që arritëm të fiknim zjarrin e një banese pjesa më e madhe e së cilës ishte prej druri që ishte e bashkëngjitur ehde me 3 banesa të tjera. Ndjesia tjetër është krenaria, falenderimet dhe mirënjohja që po marr qoft nga zjarrëfikësit apo edhe nga mediat këtu në Suedi, por kryesisht nga bashkëatdhetarët dhe nga të njohurit dhe të afërmit e mi.
- Na tregoni pak më shumë për jetën tuaj, sa kohë keni në Suedi, familja etj.
Kemi reth një vit e gjysëm që jetojmë në Stockholm. Jetoj me bashkëshorten time dhe dy femijët tanë Bleonin dhe Glorien…. Bejmë nje jetë normale pavarësish veshtiresive te fillimit siç mund te jetë komunikim ose ambientimi këtu me kushtet e motit….. Unë punoj si shofer ndersa Matilda vazhdon studimet në një shkollë profesionale. Femijët vazhdojnë shkollen në ciklët përkatës dhe ndihen mirë.
Përveç mirënjohjes, morët ndonjë shpërblim financiar nga shteti sudez për gjestin tuaj?
Persa i përket pjesës se dytë te pyetjes së tretë: As kam mar dhe as pres të marrë ndonje shpërblim financiar. Ajo qe me kanë komunikuar është se do bëjnë një ceremoni nderimi për personat që ë nxoren njeriun të gjall dhe e fiken zjarrin pa ardhur akoma zjarfiksit.
A mendoni të riktheheni në Shqipëri?
Jam shumë krenar që jam shqiptar. Gjithashtu jam akoma me shumë krenar për vendlindjen time. Por përsa i përket kthimit tim ne Shqiperi…….. Le tja lëm kohës.
Përgatiti: AlpeNews.al
