Duket sikur është bërë edhe shumë e vështirë e njëkohësisht edhe shumë e lirë jeta sot për një kategori sociale e shoqërore në Shqipëri. Duket sikur mund ta humbasin atë në të qindën e sekondës, pavarësisht se fatmirësisht asnjëherë nuk ka ndodhur, e urojmë që të mos ndodhë as në të ardhmen. Për ç’farë e kemi fjalën? Për fenomenin e kërcënimeve që një numër qytetarësh të dëshpëruar bëjnë në formë ultimative, për zgjidhjen e halleve të tyre. Ju kujtohen tani besojmë. Sepse nuk ka vit që të kalojë dhe disa prej tyre kryesisht në Tiranë a Durrës dhe gjetkë, që të mos tentojnë të vetëvriten, të vetëhidhen nga lartësitë apo të vetëdigjen. Format dhe mjetet e zgjedhura janë nga më të larmishmet që nga hedhja nga taracat e pallateve, vetëdjegia me benzinë a vajguri dhe modë po bëhet të ngjitesh në vinç dhe të kërcënosh.
AlpeNews.al, ju sjell një përmbledhje të të gjitha tentativave për tu vetvrarë, apo që edhe kanë humbur jetën:
Ish- i përndjekuri politik Gjergj Ndreca, në 2014-ën i ka vënë flakën vetes gjatë grevës së urisë pranë parlamentit. Si ish i përndjekur i gjithë problem i tyre është marrja e kësteve të dëshpërblimeve financiare si të dënuar politik për vuajtjet që kanë kaluar në regjimin komunist dhe si një përpjekje për rehabilitimin dhe riintegrimin e plotë në shqoqëri.
Po kështu edhe një ish i përndjekur tjetër, Kujtim Gaziu (po në grevë me Gjergj Ndrecën) është sperkatur me benzine dhe ka tentuar të vetësakrifikohet por, është ndaluar në momentin e fundit nga forcat e policisë.
Më 16 tetor 2017, 35-vjeçari Saimir Zalli, banues në Lezhë duket se e ka patur si mundësinë e fundit kërcënimin me jete, pas një sorrollatjeje të gjatë në procese gjyqësore dhe letra drejtuar institucioneve, për të takuar dy vajzat e tij të vogla, pas divorcit nga e shoqja.
Sakaq, pas tre javësh, më 11 nëntor sërish Zalli tenton të vetëdigjet përpara parlamentit po për të njejtin problem, dhe fatmirësisht shpëton
.
Dy persona, nje burre dhe nje grua, Ferdinand Saraçi dhe Teuta Gjinollari, kanë hipur në majë të nje vinçi ne nje kantier afer Pallatit te Kulturës në Tiranë dhe kërcënojnë se do të hidhen qe aty dhe do t’i japin fund jetes. Ata kerkojne te vijne aty kryetari i Bashkise se Tiranes, Erjon Veliaj dhe ministrja e Arsimit, Lindita Nikolla, por pa specifikuar se për çfarë i kërkojnë.
Lirak Bejko ish-i burgosur politik, i vuri zjarrin vetes me benzinë, duke u vetëdjegur para kamerës në shenjë indinjate ndaj qeverisë “Berisha” dhe politikave të saj për dëmshpërblimin e ish -të përndjekurve politik.
Konkluzioni? Bashkeqeverisja e Kryeministrit me qytetarët dhe platforma e tij ndoshta do të quhet e suksesshme nëse eleminon veç të tjerash, edhe këto shfaqje të shëmtuara që na dalin përditë në ekran, si kjo e sotmja e tentatives për vetëdiegie para godinës së seancave plenare të së enjteve në Kuvendin e Shqipërisë. Asnjëri nuk është vetflijuar, siç edhe ka kërcenuar. Ky është i vetmi lajm i mirë që kanë prodhuar të gjitha këto raste. Lajmi i keq? Institucionet nuk funksionojnë dhe njerëzit detyrohen të ndërmarrin akte të tilla “in extremis” që nuk i bëjnë nder as institucioneve, as protagonistëve, as ne si shoqëri dhe as imazhit tonë si shtet.
Përgatiti: AlpeNews.al
